Nimin June 16, 2023 (Zirtawpnj) tlai kan khan Dr.Vanlaltanpuia MLA leh Chairman, Mizoram Youth Commission kaihhruaina hnuaiah, Commission member meeting neiin he meeting-ah hian 2023-2024 MYC IAS Sponsorship chungchang te, tun UPSC Prelims exam-a Mizo inziak tlingte buaipui dan tur leh thu pawimawh tak tak rel a ni.

Dr Vanlaltanpuia chuan MYC enkawl lai atangin mi 5 zet in UPSC Prelims an paltlang thei chu lawmawm a tih thu sawiin MYC leh MOCH (CHARCOS GLOBAl) te nen an thawhhonaah Mizo thalai zinga mi 9 zet in OET paltlanga UK-a registered Nurse hna an thawk mai tur chu lawmawm a tih thu a sawi a.

Member meeting hian MYC Super IAS Full Sponsorship chu kum 2023-2024 chhunga  chhunzawm leh țha an ti a. Thlalai te Screening Test a an tih that dan a zirin mi 20 - 30 sponsor chhunzawm leh nise an ti a ni. Tin, heng bakah hian kumina UPSC Prelims paltlang Mizo thalai 13-te chu Mains exam tur atana an inbuatsaihna ah full Sponsorship pek nise tiin a rel bawk a ni.

Nimina member meeting-ah hian Commission members te bakah Co-opted member te sawmin, Pu Vanlalchhuanga Principal Secretary, Finance Department, Pu Lalramsanga Sailo Secretary LESDE , Lalmalsawma Secretary Planning, Dr. Lalrinchhana, Principal Advisor Planning, Pu H Lalnunzuala Secy MYC te bakah MYC Official te an tel a ni.