CHAIRMAN MIZORAM YOUTH COMMISSION IN SUPER 40 IAS    PROGRAMME                ASPIRANTS TE AWMNA TUR DELHI-AH TI FEL

Dt. 20^th,August,2022(Inrinni) khan Dr Vanlaltanpuia, MLA ,Chairman Mizoram Youth Commission chuan Super IAS 40 Full Sponsorship Programme  hnuaia Mizo Thalaite coaching kal tur a thlanchhuahte chu MYC in a dahna hmun heng Vision IAS, Alternative Learning System leh Vajiram & Ravi institution a tlawh a, tul dangte an buaipui nghal a ni. Vision IAS ah hian zirlai 19, Alternative Learning System ah 6 bakah Vajiram & Ravi-ah zirlai 10 an awm a. An zirlai tan turin New Delhi ah dah fel an ni ta a ni. Heng mite hi Admission tihfel tawh niin Class kal turin an institution tur theuhah engkim peih fel a dah an ni.

            Heng zirlaite hi Mizoram sawrkarin Mizoram Youth Commission kaltlangin Foundation Course, thla 11 atan heng zirna hmunah te hian Full Sponsorship pein a kaltir a ni.

            Ni 20 August,2022 ( Inrinni ) vek khan Dr. Vanlaltanpuia, MLA, Chairman Mizoram Youth Commission chuan heng Super IAS 40 hnuai a zirlaite hi an awmna hmun theuh New Delhi ah a tlawh kual a, an Institution awmna thuneitu hrang hrangte pawh thingpui inpuiin a hmu kual a ni. Heng Institution hrang hrang a zirlaite awmna tur hi buaipui a hautak em em a, MYC Chairman leh officer te hian anmahni ngei  ke a kal kualin harsa takin heng an awmna tur hi an hmuhsak a ni. 

            Vision IAS Institution-ah hian ni 19^th August,2022 khan class kal tan tir an ni a, mentoring leh Orientation class te pawh uluk taka pek vek an ni. Vision IAS ah hian Miss Deepali Chaturvedi, Management Head leh a team ten lo dawng sawngin mentoring leh monitoring system an kalpui dan tur chungchangte alo sawipui a ni. Zirlaite chu uluk taka an enkawl dawn thu leh UPSC exam a an tlin ngei theihna tur a hma an lak dan turte an lo hrilh a ni. Heng bakah hian Corporate Social Responsibility (CSR) kaltlang a school level a UPSC exam inbuatsaihna Mizoram a kalpui an tum thu alo hrilh a ni.

            Chairman, MYC chuan Vajiram & Ravi a zirlaite an dahna hmun New Rajendra Nagar ( Karol Bagh), New Delhi tlawh nghalin an awmna hmun hma a that tawk leh that tawk loh dante a en bawk a, zirlaite chuan MYC Chairman chu lawmthu lo hrilh in, MYC in an awmna nuam tak leh tha tak an pek avang leh India ram a Institution tha ber ber a, a thlawn a admission an tihsak piah lamah Accomodation nuam tak an ngaihtuahsak vek avangin lawmthu an lo hrilh.

            Heng hmun 2 bakah hian student 6 lai an dahna  hmun Alternative Learning System (ALS) Shalimar Bagh ( New Delhi) pawh chairman hian a tlawh nghal bawk a. Institution lam team ten uluk takin an lo dawngsawng a ni.

            Dr. Vanlatanpuia chuan thusawiin zirlaite hnenah, ‘Kan Chief Minister zahawmtak Pu Zoramthanga kaihhruaina leh remtihna a Super IAS 40 programme kalpui a ni ta chu a lawmawm hle a ni’ tiin a sawi a. India ram state hrang hrangah hetiang full sponsorship programme kalpui ve state dang an awm a hriat loh thu a sawi a. Zirlaite chu an vanneih zia hria a, Mizoram leh hnam aiawh a zir an ni tih inhre reng a taima tak leh tumruhna nasa tak nen a an zirlaite zir turin a chah bawk a ni. Tun a an inelna beih mek hi India rama inelna sang ber anih mai piah lamah khawvel huap pawh a inelna hautak ber pawl anih avangin tumruhna tak tak leh thawrimna tello chuan an tling thei dawn lo a ni. Hnam dang lehkha thiam tak tak te eltur an nih avangin taihmakna leh thawhrimna nen an zirlaite bei turin a chah a ni. Mizoram sawrkar pawhin programme monitoring uluk takin an kalpui dawn thu a sawi bawk.

            Mizoram Youth Commission ( MYC ) Chairman hian dt 22^nd , August, 2022 khan National Skill Development Corporation of India ( NSDCI) hmunpui, Aero City, New Delhi tlawhin Mizo thalaite India ram pawn a hna hrang hrang thawk tur a kaltir dan tur chungchang a sawipui a. Hetah hian Swati Rahal, Deputy Head & Advisory, International Collaboration leh Shrestha Sharma, Co-Ordinator Corporate Strategy ten lo dawng sawngin NSDCI Road Map leh kalphungte an lo hrilh a ni. Heta an thilsawite a taka chantir anih theihna turin Aizawlah September,2022 chhung a lokal a, sawiho leh hmalak an tum thu an lo hrilh a ni. 

            MYC Chairman hi Pu H. Lalnunzuala, Under Secretary, MYC chuan a tawiawm a ni.