Nimin dt 7th , April, 2022 chawhnu dar 2:00pm khan  Mizoram Youth Commission Chairman, Dr. Vanlaltanpuia, MLA leh Dr. Z.R. Thiamsanga, Champhai North bialtu MLA chuan Mizoram Youth Commission, Conference Hall, MINECO-ah inkawmna hun neiin Champhai Thalaite tan MYC Coaching Center, Champhaiah hawn a nih dan tur an sawiho a, He meeting ah hian MYC Offcial te leh Champhai Zirlai pawl Hruaitu ten an tawiawm a ni. 

He meeting ah hian MYC coaching Center , Champhai chu kumin May thla tir, chawlhkar hmasa lamah hawn tum nise tiin an sawiho a, Coaching Center hawn anih theih nan a tul leh pawimawhte an sawiho nghal a ni. 

He MYC Coaching Center hawnna atana ruahmanna leh tul ang angte chu MLA pahnih te Pu Dr. Z.R. Thiamsanga Champhai North bialtu MLA leh Hon’ble Minister T.J. Lalnuntluanga, Law & Judicial Dept etc  kaihhruaina hnuaiah chak taka hmalak nghal tur a tih a ni. 

Tunah hian MYC Coaching Center hi District pali (4) ah hawn a ni tawh a. Champhai a hawn leh tur hi Center panga (5) na a ni dawn a ni.