Vawiin Dt 11/2/2021 ( Thursday ) dar 1:00pm khan Chief Secretary Pu Lalnunmawia Chuaungo (IAS )  hovin Returned Migrants Workers ho tana Mizoram sawrkar in sum a hmuh “Livelihood Generation For Returned Migrants Workers Due to Pandemic Outbreak Covid-19” hnuaia NEC in Rs 3.00 Crores, Phase-1 atana alo pekchhuah tawh Department hrang hrang a pek chhuah tawhte hmalak dan thlir hona neih a ni.  

Report petu Pu Donny Lalruatsanga, MCS, Secretary, Mizoram Youth Commission chuan report a pe a, “Hmalakna a tha thawkhat hle a, Commerce & Industries (EDC Planning Dept) hnuaiah ah mi 550 in trainning an nei tawh a, LESDE hnuaiah mi 60 in training an nei tawh bawk a, MZU Incubation Center hnuaiah mi 30 in training an nei tawhin Home Base Food Training pawh  Mizoram Food Processing Research and Training hnuaiah mi 60 in training an nei tawh bawk a ni” ati a Tunah hian Tourist Department hnuaiah Tour Guide Training neih leh tur a ruahmanna a kal mek thu a sawi bawk.

    Meeting chuan Project Phase II atana hmalakna tur NEC in a rawn pek te thlir hovin Skill Training hrang hrang, Cement Mistiri, Food Processing, Piggery Farming leh Cake Baking te chu District tinah District Commissioner te kaihhruaina hnuaiah Skill Development Committee dinin kalpui ni se an ti bawk a ni.

    Meeting-ah hian Dr. C. Vanlalramsanga, Commissioner & Secretary, Planning Department bakah Department hrang hrang hotute an tel a ni.