Vawiin ni 4, August, 2022 khan Dr. Vanlaltanpuia chuan D&C Coaching Institute, Zarkawt ,MC Hill ah khual lian niin , a hawnna hun a hman pui.

Khuallian, Dr. Vanlaltanpuia, MLA, Chairman, Mizoram Youth Commission chuan D&C Coaching Institute Mc Donald Hill, Zarkawt ami chu hawnna neiin , hun a hmanpui a, khuallian hian thusawina hun a hmang nghal a ni.

Khuallian Dr. Vanlaltanpuia, MLA, Chairman MYC chuan, “Super 40, coaching kaltur, MYC full sponsored te ho awmna tur chu Delhi hmun ngeiah a mah ngeiin a hmunah a zu en fiah tih a sawi a. Hmun hma hmuh sak sa vekin heng mi 40 te hi thawn thlak an nih tur thu a sawi a ni. Delhi hmunah hian hnamdang tam tak te UPSC exam tumin an inbuatsaih mup mup a, chungho thalai sang tam tak te zing a Mizo thalaite an tel ve thei tur hi a lawmawm a, zirlai te pawh theihtawp chhuah a hnamdangte aia nasa a inbuatsaih tur a a duhthu a sawi a. Hnam dang thalai inbuatsaih dan enin Mizo thalaite helamah hian tan kan lak nasat a tul thu a sawi bawk a ni.

Mizo thalaiten UPSC exam tur a hartsatna kan tawh lian ber zing a ami chu English leh Hindi kan thiam tawk lo hi a ni. UPSC exam hmachhawn tur chuan heng tawng pahnih te hi kan thiam bel viau a ngaih thu a sawi bawk. 

Dr. Vanlaltanpuia, MLA, Chairman, Mizoram Youth Commission chuan “MYC in theihtawp a hetiang thil a buaipui laia D&C Coaching alo in dinthar leh hi a lawmawm takzet a, Mizo thalai a tam thei ang berin he Coaching Institute hi hmang tangkai ang u “ tiin thalaite a sawm bawk a ni.

“Mizo thalaite’n UPSC exam hmachhawn kan cho ta lo lutuk te, thil tak tak buaipui lova, Social media leh thildang kan buaipui nasa lutuk hi a tha lo em em mai a. Football te hi kan ngam em em a, kan thleng sang reng bawk a, hetiang chiah hian UPSC exam hi Mizo thalaite hian I cho thar leh ang u, chona rilru kan neih theih phawt chuan UPSC exam ah hian tling ngei ang “ tiin a sawi bawk.

Dr. Vanlaltanpuia, MLA, Khuallian ni bawk chuan, Mizo Officer lian tuna  service laite hi an kiam zel a, Direct IAS phei chu kan nei ta mang lo’ atia, Mizoram leh hnam tan tih rilru pu chung a inbuatsaih sauh sauh turin kalkhawmte a fuih bawk a ni.