Vawiin ni 5, May, 2022 ( Thursday) hian Dr. Vanlaltanpuia, MLA, Chairman, Mizoram Youth Commission chu IIM, Shillong Director, DP GOYAL nen an inkawm. Chawhma dar 11:00am a Dr. Vanlaltanpuia, MLA, Chairman MYC leh IIM Shillong Director, DP Goyal te inkawmnaah hian Mizo thalai te tana hmasawnna tur kawng pawimawh tam tak sawidun a ni a, Dr. Vanlaltanpuia, MLA, Chairman, MYC chuan mizo thalaite mamawh kawng hrang hrangte sawipuiin IIM Shillong te chu thawhpuiah a sawm a ni. An inkawmnaa thil pawimawh an sawidun lang sar zualte chu :
1). Mizoram in Skill Training kan mamawh tak hmuchhuak tur a, Skill Gap Research nei tura thawhho.
2) Mizoram sawrkar hnuai a hnathawk Officers leh Local Youths te tana IIM Shillong-a training buatsaih.
3) Mizo thalaite thiamna ril zawk zir tur a intuai hriam nan Super 10 programme emaw buatsaiha chumi hnuaia Mizo thalai 10 te chu IIM a training thei tur a intuai hriamna neihpui.
IIM Director leh Research Team te hi reiloteah Mizoram a lokal a, Mizoram Youth Commission te nena thawh hona nei tur a meeting neih tum a ni.
