Date ni 10th , June, 2021  khan D.R. Vanlaltanpuia, MLA Chairman, Mizoram Youth Commission chuan a bial a fang a, Pangzawl tlangdung tlawhin Hripui leng Covid-19 lo hluar zel lak a an himna tur leh invenna tur atana hmanraw pawimawh tak mai  Pangzawl PHC tan Ambulance a hlan.  He Ambulance hi CSR Fund Provision atangin, ABCI company te hnena Bialtu MLA in a thlen a ni. He Ambulance hlanna hun hi Pangzawl Ramrikawnah hman a ni a, Pangzawl North VCP Pu Lalmuankima’n a kaihruai a, Pangzawl North VCP chuan , “ Pangzawl khua a la awm ngai lo leh kan neih ngai loh, engtikah nge kan neih ve theih ang tih pawh kan ngaihtuah ngam loh Ambulance kan han nei ta mai hi Pangzawl mipuite kan lawm hle a ni. Hetiang bial hmangaihtu leh ngaihsaktu, mi harsa zawk leh hnuaihnung zawkte thlathlam lotu, Bial mipui himna ngai pawimawh em emtu bialtu MLA Dr. Vanlatanpuia kan nei hi Pangzawl leh Pangzawl tlangdung mipuite kan vannei takzet a ni, Ambulance kan han nei ta maite hi a lungchhiat thlak lek lek zawk a, mumang a ang rum rum mai,hripui lenlai a awm mai mai lova, hripui vang a kan mangan em em lai, rilru a vah nasat em em laia Bialtu MLA in min thlahthlam lova kan himna tur atana theihtawp a chhuah hi bial mipuite kan thlamuang tak zet a ni, Covid-19 lo kai palh thulhah 4C dinna tur atan hma min lakpui a, sum leh pai tul ang min pete hi kan lawm a, lawmawm kan ti tak meuh meuh a,Bialtu MLA hmalakna kan hmuh hian bial mipuite kan thlamuang a ni” ati a. Tin, Pangzawl South VCP Pu Lalrinawma pawhin thusawiin, “ Lunglei North Bialte hi kan vannei hle, hetiang hun lawmawm kan hmang thei hi kan lawm hle a ni, tin he hun kan hman theihna atana  hrileng kara phalna min petu Hnahthial DC Pu Dolianbuaia,MCS chungah lawmthu kan sawi bawk a ni” ati. Tun tum a bialfanah hian hripui Covid-19 leng zel atana invenna atan vengtin a VLTF te hnenah Safety Gear, PPE Sets, Mask, Hansanitizer leh Disinfectant te tam tham tak Pangzawl VLTF te a pe bawk a ni. He Ambulance hlanna hunah hian ABCI Project Manager, H.S. Sekhawat in a hmanpui bawk a ni. 

Pangzawl khua hi a len deuh tawh avangin 4C dinna tur Bialtu MLA D.R. Vanlatanpuia hian a enpui bawk a. Pawisa fai Rs 15000/- bakah Safety Gear heng PPE Sets, Fumigation Gun, Disinfectants leh hansanitizer te a pe a, hemi hnu hian Rawpui leh Thiltlang khua VLTF te a tlawh bawk a, a tul angin Pawisa leh PPE sets, Handsanitizer leh Mask te a pe theuh bawk a ni.