Vawiin ni 17.03.2022 (Thursday) chawhnu dar 12:30 khan Mizoram Youth Commission Chairman (MYC) Dr. Vanlaltanpuia leh His Excellency the Governor of Mizoram Mr. Dr. Hari Babu Kambhampati chu a office-ah inhmu in Mizorama thalaite tan Skills Development Training neih dan tur chungchang an sawi dun. 

Governor chuan Mizo thalaite’n Skills Development Training an mamawh zia hria a hetiang lam ti thei Firm tha leh rintlak state engemawzat a hma la mek tute Mizoram State zirchianga thawhpui tur leh hmalak pui tur dap tura tih mek an nih thute sawiin chungho te nen chuan a theih anga hma lo la turin MYC a ngen a, hemi bawhzui nan hian Proskills LLP, Hyderabad te leh MYC te meeting an lo  nei tawh a. An hmalak tawhnate an sawi dun a ni. 

Mizoram Youth Commission Chairman Dr. Vanlaltanpuia chuan Mizo thalaite tana hlawk tur leh chhawrnahawm turah chuan theihtawp a chhuah tur thu sawiin Pilot Project atan Health Care Sector bikah Medical Records Assistant leh Geriatric Case Assistant-ah te Skills Development Training nei turin Shri Proskills, LLP, Hyderabad te nen pawh lo sawiho a, a theih anga thawhho an tum thu a sawi bawk a ni.

        Mizoram Youth Commission Chairman hi MYC Official Pu H. Lalnunzuala, Under Secretary leh Pi Doris Zothanchhungi, Superintendent-ten an tawiawm a ni.