Vawiin 23th February,2023 (Thursday) chhun dar 12:00 khan Mizoram Youth Commission Chairman Dr. Vanlaltanpuia,MLA hovin Ernst & Young International (EYI) te chuan hnainpui.com (Online Job Portal) tih changtlun dan tur an sawiho.
Mizoram Youth Commission chuan Covid-19 hripui len lai khan Online Job Portal (hnainpui.com) chu Lailen Consulting Agency nen tangkawpin mobile phone Application hmang a awlsam taka hna zawngtute leh hnathawktu mamawhtute an intawhkhawmna tur lo duang chhuakin mi 20,000 chuangin register-in, mi tam takin an hmang tangkai mek a ni. HE Online Job Portal hi NorthEastern Council (NEC) hotute thurawn angin Northeastern State pumpui a hman tur a ruahmanna te siam turin MYC chuan hma a la mek a ni.
Hemi chungchangah hian EYI hotute nen changtlung zawk leh tun dinhmun aia tha zawk a ruahmanna siam dan tur chungchang te sawiho a ni. HE hunah hian MYC Officials te bakah EYI atangin
Pu Lawmnakima,Director, EY GDS, Shivakumar Moorty, Parner & Principal EY India leh Dr. Vashima Shuba, Director, EY te meetingah hian an rawn tel a ni.
Thalai lehkhathiam ten State pawn lama awlsam zawk a hna an thawh theihna tur a Online Job Portal tihlen zel dan tur chung chang te pawh an sawiho bawk a ni.
 |  |  |
 |  |  |
 |  |  |
