Imperial Blue Super 5 Tournament Kick-Off Program a khuallian Pu _ chuan Mizo thalai, ruihhlo in a a tihbuai lohte, an theihn phochhuah saktute hnenah lawmthu a sawi a. Futsal chu Mizote thiam zawng tak leh khawvel huap pawha kan inpho lan theihna tur nia a hriat thu sawiin, MFA leh Organisers dangten he game chawikanna atan hma an la hi lawmawm a tih thu a sawi a ni. Mizoram Youth Commission hmalakna anga thalaite khawvel zauh a, ram pawn thlenga eizawnna tha zawk an neih theih chu MYC duhthusam a nih thu sawiin, khawvel hmun hrang hrangah Mizo thalaite an inzarpharh tawh thute, thalaite pawh rilru leh taksa lama theihtawpa inbuatsaih tura a duh thu a sawi bawk. Pathian in talent min pek te kan ram chhung chauh nilo, khawvel hmun zau zawka pho lang turin theihna kan neih thu a sawi a, thawhrimna, tumruhna leh taimakna nena khawvel ram zau zawka luangchhuak turin duhsakna, a kalte zawng zawng nen a hlan a ni.


Imperial Blue Super 5 Tournament ah hian Team 229 an in register a, Vawiin Ni 7.8. 2018 atang hian Durtlang MC Hall kawtah khelh tan tur ani. He tournament hi Zo Events leh Durtlang Futsal Club te huaihawt a ni a, 2017 khan Imperial Blue tournament hi hlawhtling taka huaihawt a lo ni tawh a, team 300 lai an tel a ni. He Kick-Off program hi Francis Lalmalsawma, Founding Partner, Zo Events and Management chuan lawmthu sawina in a khar a, “Mizoram Youth Commission kaltlanga thalaite hmasawnna tura a thawhna hi a ropui in, a zarah thalaiten khawvel thar kan nei ngei ang” tiin a sawi a ni.