Date 28.4.2018 : Vawiin khân Mizoram Youth Commission Office, New Secretariat Complex, Khatla, Aizâwlah Jet Airways Cabin Crew interview final round neih a ni a; Mizoram Youth Commission buaipuia Jet Airways Cabin Crew Recruitment final round thleng pha mi 12 zîng aṭangin Mizoram ṭhalai nula mi 5 chu Jet Airways Air Hostess atân lâk an ni. Hêng Mizoram ṭhalai nula mi panga te hian Medical fitness certificate leh Police verification an tihfela an theh luh hnuah Jet Airways Academy, Mumbai-ah training tûra koh an ni dâwn a ni.

Pu _, Chairman, Mizoram Youth Commission, tûna a bial chhûng Lungleia awm mêk chuan hêng Jet Airways Air Hostess atâna tling tharte hi phone call hmangin lawmpuina leh duhsakna a hlân a; training hlawhlting ngei tûr leh Mizoram ṭhalaite tâna entawn tlâk leh hmahruaitu zînga mi ni thei ngei tûra theihtâwp chhuah tûrin a fuih a, hun remchâng hmasa berah lawmpuina thingpui in hopui a tum thu a sawi bawk. MYC Chairman chuan, “Ṭhalaite khawvêl zauh ang aw,” tih hi MYC au hla (slogan) a ni a, “Mizoram ṭhalaite tân MYC chuan theihtâwp a chhuah zêl dâwn a ni,” a ti.

Jet Airways Air Hostess atâna tling tharte chu hêngte hi an ni :-

1. Vansangkimi, Chhingchhip Mualpui

2. Diana Lalrinfeli, Zotlang, Aizawl

3. Diana Lalramthari, Thakthing Veng, Aizawl

4. Ruthi Lalduhsaki, Zemabawk, Aizawl

5. Priyashree Hemam, Khatla, Aizawl

Jet Airways Cabin Crew interview final round neihnaah hian Jet Airways hotu pahnih Kaushik Shah, Human Resource Manager, Kolkata leh Vikram Bhat, Base Manager, Chennai te chu Aizâwlah an lo kal a ni. MYC Chairman Pu _'n Jet Airways hotute a lo sawipui tawh angin, Jet Airways Cabin Crew Recruitment hi August 2018 emaw, September 2018 emawah Mizoram Youth Commission Office, Aizâwlah neih leh tum a ni nghe nghe bawk.