Pu , Chairman, Mizoram Youth Commission chuan ni 4.4.2018 ân khân Mizo Students' Union (MSU) buatsaih MPSC Challenge Inter-College Quiz Competition Semi Final a hmanpui.
He hunah hian Pu Mahima chuan Mizoram Youth Commission hmalâkna tûr chi hrang hrang târ langin, Mizo ṭhalaite tân tuiah te, vân boruakah te leh khawvêl hmun hrang hrangah zauh hna an thawk mêk tih a sawi a. Mizoram Youth Commission hmalâknate leh hmachhawpte a târ lang bawk a ni.
Pu Mahima chuan, “Modern Era-ah kan awm tawh a, chem te, silai leh fei tea indo tawh loin, technology leh knowledge (hriatna)-in kan indo tawh a; hetiang khawvêla kan awm tawh avâng hian Mizo ṭhalaite chu Modern Era pasalṭha ni tûra inbuatsaih a ṭûl tawh a ni,” a ti. Hetiang pasalṭha ram tâna Civil Service-a inziak tling te, Indian Army-a lût thei te, Banking, Para-Medical lam leh zirna in lian leh changtlung zâwka zir thei tûra inhlâng kai phâkte hi chawimawina ‘Nopui’ pêk a duh thu a târ lang a. MSU-in zirlaite hriatna tizau a, tihmasâwn thei tûr program an buatsaih avângin lâwmthu a sawi a ni.
