Covd-19 hripui leng avanga hun engmaw chen chawlhsan a nih hnuin, Mizoram Youth Commission chuan vawiin Dt 23^rd March, 2021 atangin SSC leh Banking, MCS/ MSSSB exam inbuatsaih nan Mizo thalaite tan Coaching class   a tan leh ta a. Coaching class hmasa berah hian zirlai engemaw zatin class an kal a ni. Coaching class hi Aizawl hmunah, Dinthar Coaching center-ah neih a ni. 

Lunglei a MYC Coaching Centre-ah pawh Coaching class hi kal tan tawh ani a, Kolasib lamah Coaching class hi kal tan a ni tawh bawk a ni. Siaha lamah pawh a rang thei ang ber a class hi tan tum a ni a, faculty pawh lak fel tawh niin class hi tan mai theih a ni tawh bawk a ni.

Sawrkar Coaching Institute hi man tlawm zawk a zirlaite tan kalpui tur anih avangin faculty tha tak tak kaihhruaina hnuaiah Mizo thalaite lut turin Mizoram Youth Commission  chuan a sawm a ni.