Mizoram Youth Commission chuan Mizo Thalaiten eizawnna kawng a hma an sawn theihna atan leh kawng dap dan an thiam zel theihna turin mihlawhtling hrang hrangte, eizawnna kawng hrang hrang zawh tawh tute nen Webinar Zoom meeting an nei a. Webinar hi vawi 3 kalpui tawh a ni a. A hmasa berin Footballer hlawhtling te nen Webinar hi neih ho a ni a, chhimtu an thahnem hle. He Webinar ah hian Speakers atan Jeje Lalpekhlua, Lalrindika Ralte ( Didika) Lallianzual Chhangte leh Laldanmawia te an tel a, Guest Speaker atan Hon'ble Minister Pu Robert Romawia Royte a tel bawk a ni. He Webinar hi Dt 9, July, 2021 zan dar 8 khan neih a ni.
Webinar with Footballer Heng programme te hi Mizoram Youth Commission Youtube Channelah en theih a ni.
https://www.youtube.com/results?search_query=mizoram+myc
Tin, Dt 30, July, 2021 zan dar 8:00 khan Boxing lama thalaite eizawnna kawng kawhhmuhna lam hawi Webinar buaitsaih leh a ni a, He hunah hian Boxer Jenny Lalremliani, NT Lalbiakkima, John Kenty leh Rinsanga Tlau te an tel a, Setea Boxing Coach bakah Pu Lalsawmlian Pachuau leh u Vanneihthanga VAnchhawng te pawhin an telpui a ni.
Webinar with Mizo Boxers
Dt 28, August 2021, zan dar 8:00 ah Mizo Thalai, British sipai a tang, ' Mizo British Armed Forces' te nen Webinar hi neih leh a ni bawk a. British lam atangin Mizo thalai pali ( 4) an rawn tel thei a. Heng kan Mizo British sipai a tang te hian Mizo thalaite British Sipai a an tan theihdan tur kawngte leh Sipai a tang tur a thilpawimawh bengvar thlak tak tak te an sawi a. Mizo thalai tam takin an hlawkpui hle a ni.
Webinar with British Armed Forces
Heng Programme te hi Youtube ah LiveStream a pekchhuah vek an ni a. Mizoram MYC Youtube channel bakah LPS Youtube Channel ah te Live a pek chhuah a ni bawk a ni. Mizoram Youth Commission chuan hetiang programme hlawkthlak tak ta hi buaitsaih zel a tum a ni.
