Mizoram Youth Commission chuan MYC Perhkhuang 2021 a buatsaiha a winner mi 5 te inremna thuthlung vawiin 1.12.2021 chawhnu khan a ziahpui. Heng mi 5 R. Lalhruaitluanga, Champhai Vengsang, Daniel Lalawmpuia Mission Veng Aizawl, Lalhmangaihzuali, Kulikawn, Aizawl, Priskil Lalhmingsangi Thingdawl Hmar veng leh R. Lalhriatrengi, Bawngkawn Aizawl te hi Mizoram Youth Commission (MYC) buatsaih MYC Perhkhuang, zai intisiakna a ati tha zual 5 te an ni a. Heng mite nen hian MYC chuan thawhhona thuthlung an siam a ni.MYC, Govt of Mizoram hnuai a MYC Perhkhuang 2021 a winner te tana mentoring and Exposures atan Cheng Nuaikhat (Rs 1Lakh) ruahman a ni. 

Mizoram Youth Commission chuan heng Perhkhuang Winner mi 5 te hi Cherry Blossom Festival, Shillong a neih ah Sound from the Hill te nen, November ni 25 khan Platform a lo buatsaih sak tawh a, December ni 7 hian Hornbill Festival Nagaland-ah Sound Fom the Hill te nen zai tur in a tir bawk dawn a ni.

Heng winner 5 te tan hian MYC chuan Local Grooming, Symposium leh Soft Skill Training a buatsaih sak dawn bakah, empanellment pawh a zawn sak zel dawn a ni.

He Inremna thuthlung ziahna inkhawm tawi hi Mizoram Youth Commission Conference Hall ah vawiin ni 1.12.2021 chawhnu dar 2 khan neih a niin in MYC Chairman Dr Vanlaltanpuia an inremna thuthlung hi ziakin MYC Secretary leh Under Secretary ten an tawiawm bawk a ni.