Vawiin Ni 9.8.2018 tang khan Mizoram Youth Commission hnuaiah Pre-Army Recriutment Rally Medical Screening chu MYC Training Hall-ah neih tan a ni. He sipai lak runpui atan a pre medical screening hi Aizawl, Serchhip leh Champhai district ah vawiin khan neih a ni a, Aizawl ah hian diltu mi 363 zingah tlai dar 2 thleng khan mi 160 check an ni a, Serchhip ah hian dil tu 147 an awm  a, vawiin  khan mi 72 check hman an ni. Champhai ah hian dilna a la lut mek a, vawiin ah mi 34 in medical test hi an hmachhawn a, heng district ah te hian naktuk ah chhunzawm leh tur a ni.

        MYC Army Pre-Recruitment Medical screening hi Siaha, Mamit, leh Lawnglai lamah karleh chhung hian neih leh tur in ruahmanna a kal mek a, Lunglei ah naktuk hian neih tan tur a ni thung.  MYC hnuaia pre-recruitmentmedical screening paltlang te hian training leh coaching pek an ni ang a, trainer leh faculty thiam tak tak te zirtirna hnuai ah Army Recruitment October thla a neih tur atan zirtirna leh training an dawng dawn a ni.