Mizoram Youth Commission buatsaih Super IAS 40 programme hnuaia Mizo thalai Full Sponsorship programme a UPSC, Coaching kal turte chuan an zirna hmun tur Delhi-a, Vision IAS, ALS leh Vajiram & Ravi Coaching Centre an thleng kim ta.
August ni 4 ( Thursday) 2022 khan Vajiram & Ravi Coaching Institute a lut turte thawn hmasak ber an ni a. August ni 6,2022 khan ALS Academy a lut turte kal tir leh an ni.
Ni 9 August, 2022 ( Tuesday) hian Vision IAS Academy a lut turte chu a batch hnuhnung ber atan thawn thlak leh an ni. Heng candidate thawn thlakte hi MYC Official ten Lengpui Airport atangin an vai liam hlawm a ni.
Karol Bagh, New Delhi hi UPSC Coaching Hub, Academy tha zawng zawng awmna hmun anih avangin tun hma kum 2 liam ta chhung a helai hmun bel a kalkhawm mi 50,000 bawr awm thinnaah khan tunah chuan zirlai mi 2,00,000 vel zet an awm tak avangin awmna tur, Accommodation -Flat, PGs hmuh a harsa em em tawh a. Chuvangin Super IAS 40 full sponsorship programme hnuaia IAS Aspirants te tan hian Mizoram Youth Commission Chairman, Dr. Vanlaltanpuia, MLA chuan a hmun ngeiah amah kalin an awmna tur hmun (Accomodation) hi a enkual sak a, a buaipui sak vek a ni. Academy leh PG tur buaipui hian MYC Chairman leh Officials te hian New Delhi-ah hian tha leh zung tam tak sengin an chamchilh a ni.
Sawi lan tawh thin angin heng Super IAS 40 programme hnuai a Coaching kal turte hi Mizoram Youth Commission chuan Full sponsorship a pe a, Course fee, Air Fare leh Accommodation charges etc. a tum sak a ni.
Mizoram Youth Commission chuan heng Super IAS 40 programme hnuaia zirlaite hi uluk tak leh strick takin a monitor dawn a ni.
Mizo thalaite a tam thei ang ber All India Service leh Central Service a an luh theihna turin Mizoram sawrkar chuan Mizoram Youth Commission kaltlangin hma a la a ni.
