Mizoram Youth Commission chuan Mizo thalaite UPSC Exam-a kan tlin theihna turin theihtawp chhuahin hma a la mek zel a. Hun rei tak UPSC Main Exam kan in ziah tlin tawh loh hnu ah K.C. Zalena leh Betty Lalrinfeli chu Main Exam paltlangin interview an hmachhawnna tura inbuatsaihna tul hrang hrang a ngaihtuahsak bakah Delhi-a an kalna senso leh ei leh in bakah inbuatsaihnana senso tul ang ang te tum sakin Mizo thalaite zinga All India Service tling kan awm theih nan hma a laksak a ni. K.C. Zalena hian naktuk                   22nd February, 2023 hian interview a hmachhawn dawn a. Betty Lalrinfeli hi chu April thla lama interview la hmachhawn tur a ni.

         Interview hmachhawn tur K.C. Zalena leh Betty Lalrinfeli,April thla a Interviewturte hi an tlin ngei theih nan Mizoram Youth Commission chuan duhsakna a hlan a, Mizo mipui zawng zawngte tawngtai naa lo hrereng turin kan in ngen a ni.