Ni 23/5/2022 chhun dar 12:00 khan Mizoram Youth Commission chuan Sensitization workshop on Super IAS 40, ASSEMBLY Conference Hall ah an buatsaih.
He Workshop ah hian Aizawl chhung a zirlai pawl hrang hrang, college hrang hrang leh, kohhran thalai hruaitu hrang hrangte, CYMA leh pawl dang dangte nen June thla tir a, MYC leh VISION IAS, Delhi te tangkawpin mizo thalaite India rama IAS coaching center tha ber ber a mi 40, MYC full sponsorship a tirh thlak tur chungchangah MYC te leh pawl hrang hrang te thil tha zawk leh kalpui dan tha zawk ngaihtuah ho turin inrawnkhawmna hun an nei a ni.
He hunah hian Dr. Vanlaltanpuia, MLA, CHAIRMAN, MIZORAM YOUTH COMMISSION chuan kalkhawmte lawmna thu a sawi a, kalkhawmte zingah hna ṭhulhin, hun sengin in lokal a, Mizoram tana tha tur nia kan hriat sawi duh kan neih apiang sawi ngei turin ka sawm che u. Hnamdang ten Central Service lamah min kalsan zel a, mizo thalaite hi kan tlanchhe ta mai emni? Sawrkarin kawng min sah en sak tawhah hian hlawhtling turin ke kan pen ngam dawn läwm ni? ati a. Kan Chief Minister zahawm takin kan sum mamawh turte pawh min pe a, kan lawm em em a, a tih hlawhtlinnna erawh thalaite kut a ni tih a lang reng mai a.. Sum a thlawn a aluan ral lohna turin theih tawp i chhuah ang u, vawiinah hian Mizoram thalaite Central service a kan tlin theihna tur atana kan duhthusam zawng zawng vawiinah hian sawi chhuah theuh kan tum dawn nia.. Tiin kalkhawmte a fuih a ni.
Pu JT. Vanlalngheta, Secretary, LESDE pawhin thusawiin, Pathian tihna, huaisenna leh tumruhna tel lovin hlawhtlinna a chan theih loh, kan nungchang te pawh hian kawngro a su hle a, nun zalen lutuk nen chuan IAS leh exam sang takah hian a tlin theih loh a ni' ati.
He hunah hian MYC leh Official te chu kalkhawmte nen inpawh takin SUPER IAS 40 Full sponsorship lakdan chungchangah hian sawihona hlawk thlak tak neiin, thurawn tha tak tak te pawh ngaihthlak a, sawiho a ni bawk a ni. He hunah hian Pu H. Lalnunzuala, under Secretary chuan he Super IAS 40 tentative Programme hi sawihawnna a nei nghal a ni.
