Dt 28th September 2022(Wednesday) khan Mizoram sawrkarin Mizoram Youth Commission kaltlang a Super IAS 40 programme hnuaia UPSC Coaching a kaltir mek te chu Dr. Vanlaltanpuia, Chairman, Mizoram Youth Commission in Mizoram House, Chanakyapuri, New Delhi Conference Hall-ah  inkawmna hun a hman pui. Heng students te hi Delhi a coaching Academy pathum (3) heng – Vajiram & Ravi, Vision IAS leh ALS ah te August,2022 khan kum khat (1) coaching course atan dah fel an ni a. An experience atanga harsatna an tawh leh tawh loh te, an coaching kal mek dinhmun te enchianna leh mamawh an neih angte ngaihthlakna hun a hmanpui a ni.

 

          Students te hian India ram khawpui ber Delhi khawpui a zirna In tha ber ber mai a dah an nih avanga an lawm zia thu leh awmna tur nuam tak leh tha tak mai sawrkarin a ngaihtuah chu a lawmawm tak zet zet  a ni an ti a. Hetiang duhsakna chungchuang tak an dawn avanga theih tawp chhuah a UPSC exam ( All India Service/ Central Service) boruak Mizo thalaite zing a chhi engtu ni turin theihtawp an chhuah tur thu MYC Chairman hi an lo hrilh bawk a ni.

 

Dr. Vanlaltanpuia chuan zirlaite chu fuih thar leh in an rilru leh theihna zawng zawng sawm khawm a he exam hi hmachhawn turin a chah a. Sawrkarin sum tam tak sengin thalaite leh Mizoram hma khaw ngai a he programme hi buatsaih an ni a. He thahnemngaihna rilru hi hria a, tih takzet a tan la turin a fuih  a ni. UPSC exam result chhuah apiang a Mizo thalaite hming a lang tlem lutuk leh a bik takin IAS a kum rei tak chhung kan lang ta lo hi a hnam ang pawhin a mualpho thlak em em a ni’ ati. He kan mualphona hi hliah khuh thei tu ni tur a thawhrimna leh tumruhna tak tak nen a tan la turin a fuih nawn leh hlawm a ni. MYC chuan heng atan hian service tha ber an pek zel dawn thu a hrilh a ni.