Vawiin April ni 25.2023 (Thawhlehni) Chawhlnu dar 2:30 khan Dawrpui Multipurpose Centre, Aizawl -ah Mizoram Youth Commission buatsaih UK-a Registered Nurse hna thawh dan chungchang inkawhhmuhna hun hman a ni.


He hunah hian MYC Chairman,Dr. Vanlaltanpuia,MLA chuan MYC chuan thalaite eizawnna an neih theihna tur a ngai pawimawh hle a. Kawng awm ang ang a dap mek zel a. Mizo thalaite talent mil zelin zau takin hma a la a ni. Tunah hian United Kingdom(UK) a Mizo nurse tam zawk an thawh theihna atana hma alak chuan hlawhtlinna hmel a hmu chho ta hi a lawmawm hle a ni. MYC chuan nasa takin Mizo thalaite tan zau takin hma ala zel dawn a ni' ati


Mizoram Youth Commission hian Sept ni 1, 2022 khan Aryavrat Healthcare (tun hnaiah Charcos Global tia thlak ani) a MD &CEO Dr Sashi Baliyan leh a nupui Dr Sheema Baliyan te Thawhona Thuthlung a ziahpui a, Thawhhona thuthlung hnuaiah hian MYC chuan CHARCOS in MOCH hnuaia OET exam tura inbuatsaih te mi engemawzat an Coaching fee leh an exam fee a tum sak a, tunah hian mi 5 in hna an hmu tawh a, an zinga 2 1) GINY LALTHANZAMI leh 2) 

R . LALLAWMZUALI te hian London thleng tawh in mi dang 3, 1) R. LALCHHANCHHUAHI 2) . C LALRUATDIKI leh 3) R. LALKIMI te hian VISA an nghak mek a, an ni bakah hian Interview hmachhawn tur a nghak mek leh exam result nghak mek te an awm bawk.

Vawiin nia inkawhhmuhna hun hi Charcos Global atangin an consultant Mr Prince Sharma leh Mr Bijender Singh ten an rawn hmang a ni.

Aizawl khawpui chhunga Nursing Institutions hrang hrang atanga zirlai te leh hemi chungchang hrechiang duh thalai te  he hun hmanna ah hian an tel a, Pu Lalramsanga,IRS, Secretary,LESDE Department pawhin hmanpuiin thusawina hun a nei bawk a ni.