CHIEF MINISTER IN PROJECT BUNIYAAD A HAWNG
Mizoram Youth Commission, Honda India Foundation leh Visan Foundation te tangkawpin an buatsaih Project Buniyaad Hospitality Management Training Course hawnna hun chu vawiin chawhma dar 11:00 khan Mizoram Youth Commission (MYC) Auditorium ah hman a ni a. Hawnna inkhawm ah hian Pu Lalduhoma, Chief Minister chu khuallian niin Project Buniyaad hawnna hun hi a hmanpui a ni. Khuallian Pu Lalduhoma chuan Mizo thalai te chu talent nei tha tak leh taima tak kan ni a, kan tih tawh lamahchuan hnamdangte'n harsa an tih pawh awlsam taka thiam zung zung mi kan ni' ati a. Tun a training kan kalpui mek pawh hi rilru tak taka zir a, thiamna tak tak paw chhuak thei tur a taimak chhuah turin a fuih a, thalaite hlawhtlinna hi Mizoram hlawhtlinna a ni a, thalaite hlawkna hi Mizoram hlawkna a nih thu a sawi bawk. Khuallian chuan Mizo thalaite chu khawvel kawtchhuah a dak chhuak a, Mizo hnam ti hmingtha tu ni zel turin a fuih bawk a ni.
Project Buniyaad hi India ram hmun hrang hrangah zau taka kalpui mek a ni a, a hmasa lama kan chang ve thei hi a lawmawm hle a ni. He project hi kum 2023 atangin Honda India Foundation leh Visan Foundation chuan an kalpui tan a, India ram chhungah nasa taka kalpui zel tum a ni. He project hi Honda India Foundation in sum leh pai tumin Visan Foundation te hian Training programme hi an kalpui ve thung a ni. Tun a training te hian an zawh hunah India ram hmun hrang hrang a Hotel tha leh changtlung ber berah te hna an thawk thei dawn a ni.
Honda India Foundation leh Visan Foundation chuan an kalpui tan a, India ram chhungah nasa taka kalpui zel tum a ni. He project hi Honda India Foundation in sum leh pai tumin Visan Foundation te hian Training programme hi an kalpui ve thung a ni. Tun a training te hian an zawh hunah India ram hmun hrang hrang a Hotel tha leh changtlung ber berah te hna an thawk thei dawn a ni.
Project Buniyaad Training programme hi thla hnih chhung awh tur niin hemi atan hian MYC Coaching Centre ah class kalpui a ni a. He project atan hian Mizoram Youth Commission, Honda India Foundation leh Visan Foundation te chuan kumkhat chhung atan thawhhona thuthlung (MOU) an ziak a. He thawhhona thuthlung hi MYC aiawhin Pu Malsawmzuala Ralte, Chairman MYC in a sign a ni.
