ASI Mock Test Answer Key

Ni 30 October (Nilaini ) khan Mizoram Youth Commission chuan MYC Coaching Center Auditorium, MINECO-ah One Day Workshop on Career Guidance & Counselling an buatsaih a. Competitive Exam-a tui mite leh Service a inziaktling tawh ten inkawmna hun hlawkthlak tak an hmang a ni.

Aizawl, the 14th October, 2024: Vawiin dar 1:00 pm khan MYC Chairman-in West Impress- State level Workshop- Innovative Education Aligning Mizoram Curriculum with Future Career Opportunities tih Government Aizawl West College buatsaih chu a auditorium GAWC-ah a hman pui. Kalkhawmte hnenah Pu Malsawmzuala Ralte, MYC Chairman chuan University syllabus chu NEP hnuaia duan vek a nih avangin kut them thiam, eizawnna tan a tangkai tur pawh syllabus-ah hian zeh tel a nih thu a sawi a.

September 24, 2024 chawhnu Dar 1 khan Mizoram Youth Commission Conference Room-ah MYC kaltlang a Spa therapy training tur mi 7 (pasarih) thlah liamna hun hman a ni. Heng thlanchhuah mi 7(Pasarih) te hian naktuk ni 25, September, 2024 ( Nilaini) hian Aizawl chhuahsanin Delhi an pan anga, Chumi hnuah Goa lam panin thla 18 chhung an training ang. He inthlahna hunah hian Pu Malsawmzuala Ralte, Mizoram Youth Commission Chairman chuan thusawiin spa therapy training turte leh an chhungte lo kal zawng zawng, MYC hmingin chibai a buk a, Chairman chuan “Mi 100 chuang atangin nangni nula fel tak tak 7 hi thlan chhuah in ni a, a nep lo. In hawiher, chetzia leh tawngkam atanga teh a, training tura thlan in ni. Naktuk maiah vai ram panin in kal tawh dawn a, a then chu la kal ngai lote pawh in ni ang. In kal chhuah chhan hi hre reng a, hlawhtling taka training chhuak vek turin kan duh che u a ni” ati.

Mizoram Youth Commission, Honda India Foundation leh Visan Foundation te tangkawpin an buatsaih Project Buniyaad Hospitality Management Training Course hawnna hun chu vawiin chawhma dar 11:00 khan Mizoram Youth Commission (MYC) Auditorium ah hman a ni a. Hawnna inkhawm ah hian Pu Lalduhoma, Chief Minister chu khuallian niin Project Buniyaad hawnna hun hi a hmanpui a ni. Khuallian Pu Lalduhoma chuan Mizo thalai te chu talent nei tha tak leh taima tak kan ni a, kan tih tawh lamahchuan hnamdangte'n harsa an tih pawh awlsam taka thiam zung zung mi kan ni' ati a. Tun a training kan kalpui mek pawh hi rilru tak taka zir a, thiamna tak tak paw chhuak thei tur a taimak chhuah turin a fuih a, thalaite hlawhtlinna hi Mizoram hlawhtlinna a ni a, thalaite hlawkna hi Mizoram hlawkna a nih thu a sawi bawk. Khuallian chuan Mizo thalaite chu khawvel kawtchhuah a dak chhuak a, Mizo hnam ti hmingtha tu ni zel turin a fuih bawk a ni.

Aizawl the 12th July, 2024: Vawiin khan MYC chairman Pu Malsawmzuala Ralte office-ah Masotmi Zimik, State Engagement, National Skill Development Corporation lengin MYC chairman nen Mizo thalaite Japan a hnathawka an kal theih dan tur an sawi dun.

Aizawl the 11th July 2024 Thursday: Malsawmzuala Ralte, chairman Mizoram Youth Commission chuan, vawiin khan Zoram Pawn Mizo Pawl Summer Sports 2024, Armed veng play ground-ah a hawng. Pu Malsawmzuala Ralte chuan, kum 20 bawr vel liam ta atangin zoram pawna lehkha zir leh hnathawka awmte pualin summer sports neih tawh thin a ni a. Hmun hrang hranga Mizo awm te tan inthianthatna leh inpawh tawnna hmanraw tangkai tak a nih thin thu a sawi.

Aizawl the 10th July, 2024 : Vawiin khan tun hnaia UPSC prelims exam paltlang Mizo thalai 8 zinga Aizawla awm remchang pahnih - KC Zalena, MCS leh Vanthangpuia, Nursery vengte chu sawm an nih angin MYC chairman Malsawmzuala Ralte office-ah an leng a, chairman bakah Secretary leh Under Secretary ten an lo dawng sawng.

Khawlailung, Date 6th July 2024: Vawiin khan Khawlailung Mizo Hmeichhe Insuihkhawm Pawl chuan MHIP Day mai bakah Golden Jubilee lawman neiin ruaipui an theh a. He hunah hian Mizoram Youth commission Chairman Pu Malsawmzuala Ralte chu khuallian a sawm a ni a. He hun hi hman puiin thupui, “rinawmna leh dikna” tih a sawi. Pu Mala chuan, "Mizote kan hmingthanna leh kan inchhuanna ber thin chu kan rinawmna, dikna leh huaisenna a ni. Khawvel changkang zela kan changkan san loh tur zinga mi a ni. Tin, inchhungkhur atanga inzirtir that leh a tul" tiin lo kal khawm te a fuih a ni.

Aizawl the 4th July, 2024: Vawiin khan Malsawmzuala Ralte, MYC chairman office ah JICA hotute Yazawa, Goto leh Joy te lengin, kumin february thlaa JICA office, Delhi a an sawi ho tawh rawn bawhzuiin disaster management leh photography a thawh ho dan tur an sawi ho.

Aizawl the 1st July, 2024: Vawiin khan International Development Center of Japan Inc. (IDCJ) hnuaia Economic Development Department Senior Researcher, Kenichiro Sugiya chu MYC office-ah lengin Chairman Malsawmzuala Ralte nen an inkawm. Sports lama thawhho theihna tur sawi dunin, IDCJ hian infiamna hmunhma buatsaih/infrastructure development lamah pawh tanpuina an ngaihtuah thei a, MYC chairman chuan hemi kawnga thil tul te a lo thlen a ni. MYC nen grassroot level badminton a thawhho theih dan tur ngaihtuah ni se, an ti bawk.

Aizawl, 21st March, 2024 : Vawiin 21st. March 2024 hian Pu Malsawmzuala Ralte, chairman, MYC office-ah Pi Muanpuii Saiawi, IFS, Joint Secretary, Disarmament & International Security Affairs, Ministry of External Affairs chu leng-ah sawmin an inkawm. Pu Malsawmzuala Ralte chuan MYC hmalakna leh hmachhawpte hrilhin, budget pawn lam atanga Mizo thalaite tana hmalak theihna tur an theih ang ang a an ngaihtuah thu a sawi a, Pi Muanpuii Saiawi pawhin a theih ang a MYC hmalak theihna tur ngaihtuahpui a tum thu a sawi. Pi Muanpuii Saiawi hi a pasal, a fanu leh a nuin an tawiawm a, Dr. Malsawmdawngliana Lailung, Youth Commission member a tel bawk.