MIZORAM YOUTH COMMISSION IN THALAI 26 STATE PAWNAH THAWNCHHUAK

Vawiin November 22, 2024 chawhma khan Pu Malsawmzuala Ralte, Chairman, Mizoram Youth Commission chuan MYC leh Honda India Foundation te tangkawpin an buatsaih Project Buniyaad Hotel Management (Food & Beverages) Training chhuak state pawna hnathawk tur Mizo thlalai 26 te thawnchhuahna hun hman a ni.

He hunah hian MYC Chairman chuan fuihna thu sawiin thalaite chu an hnathawhna hmunah rinawmna nunpui turin a chah a, Pathian tih chung a an hnate thawk tur leh inpumpekna tak tak nen, hotute duhsak tlak a thawk turin a fuih. Chairman chuan tun a hna hmu lawk sa a kal turte hi midang hnatawk tur a thawnchhuah leh zel turte tana kawngsat kaw tu an nih avangin Mizo ti hming thatu, Mizo mipui aiawh an nihna hre reng turin a chah bawk. Mizote hian chhelna kan tlachham fova, awmkhawm hian inthununna te kan tlachham fo thin. Heng kawngah te hian hmasawn zel turin a fuih bawk a ni. Hlawh phu a hnathawk theuh tur leh hlawh la tlak a hnathawk theuh turin a fuih bawk a ni.
Mizo thalai hnathawk tur atangin zawhna leh chhanna hun hman nghal a ni a, thalaite'n zawhna an neih apiangte chhan nghal zel a ni. Heng thalai hnathawk a kal turte hi MYC Office hmunah an thawhhna turte rawn kalin, interview neih nghal a ni a, training zawng zawng te chu India ram Hotel tha leh changtlung tak tak lokal te hian an vaiin an thlang vek a ni. Heng hmun Fairmont(Udaipur) Choki Dhani ( Jaipur, Jaisalmer, Indore) Orange Tiger ( Goa ) Sarvar Hotel (Hyderabad) Status Club ( Kanpur) ah te an thawk dawn a ni.

MYC chuan F&B Training hi Aizawl Centre ah 2nd Batch an kalpui leh mek a, Lunglei Centre ah pawh Training kalpui mek a ni a.Tin, December thla atang hian Aizawlah 3rd Batch kalpui leh tum a ni. Heng training chhuakte hi Aizawl hmunah India ram hotel changtlung tak tak neitute lokalin an Hotel a thawk tur an rawn thlang leh dawn a ni. He Project hi Chief Minister Pu Lalduhoma'n September 18, 2024 khan MYC Auditorium ah a rawn hawng a ni.