MIZORAM YOUTH COMMISSION INTRAINING ZO THALAI 26 TE A THAWNCHHUAK
28.11.2024(Thursday) : Vawiin ni 28, Novemver,2024 ( Ningani) dar 11:00am khan Mizoram Youth Commission hmalakna a Project Bunyaad hnuaia Mizo thalai Food & Bevarage (F&B) Training chhuak mi 26 te chu Certificate hlanna hun neih a ni.
He Certificate hlanna hunah hian Khuallian atan Pu Malsawmzuala Ralte, Chairman Mizoram Youth Commission (MYC) chu hman a ni. He programme ah hian Khuallian chuan Mizo thalai state dang a hnathawk a chhuak turte chu fuihin an hma lam hun atan chauh nilo, an hnunga lo training ve leh zel turte hma hun pawh tun a kalchhuak ta te kutah hian a awm thu a sawi a, ‘Kan awmna hmun mil a insiam ve zung zung theih hi kan mawhphurhna a nih rualin kan harsat hle thin a, hemi kawngah hian kan insiam that a ngai hle. Tin, hnamdang tawng a bikin Hindi leh English a hmasawn kan mamawh hle bawk. Kan mihring pui kan biakpawh theih loh ai chuan kan biak pawh theih te nen kan inkungkaihna a tha zawk zel a, tawng thiam tum ngei ngei tur a ni’ tiin kalkhawmte a chah. He hunah hian Vishan Foundation hotute atangin thusawi ngaihthlak a ni bawk a, Pu Rajeev Nagi Chuan, “ Tunah hian Abu Dhabi leh khawvel hmun hrang hrangah hnathawh tur a awm leh dawn hnai tawh a, tun a training zo te hi heng hna atan hian Qualified an ni, Hotel a ni emaw Cruise lam hnaah a ni emaw an thawk thei vek a; chumi a an thawk duhzawk anih chuan kan pui zel dawn a ni” ati bawk.
He Certificate semna hunah hian training te an kal tha hle a, heng kalkhawmte hi MYC Office hmunah India ram chhung a Hotel tha tak tak te lokalin an hnena thawk turin an duh an rawn thlang a, an vai hian hnathawh tur nei sa vekin an hnathawhna hmun tur an pan dawn a, an kaldan tur pawh tih fel tawh niin tunkarah hian an thawhna hmun tur an pan fel tawh dawn a ni.
