Mizoram Youth Commission Members Meeting

Vawiin ni 19, November, 2024 khan MYC Conference Room ah Mizoram Youth Commission Members neih a ni a. Meeting hi Pu Malsawmzuala Ralte, Chairman MYC kaihhruaina hnuaiah neih a ni a. Meeting ah hian MYC in tun hnaia a hmalakna hrang hrang te Pi V. Lalmuanpuii, Secretary in kimchang takin report a pe a. Hmalakna zingah hian One day workshop on Careee guidance & counselling a neih te, Social media campaign a kalpui mek te, ASI Mock Exam a buatsaih te, Aizawl & Lunglei Centre a Hotel management training a buatsaih mek te leh an thawhna tur Hotel hrang hrangte report ngaihthlak a ni. MYC kaltlanga Food & Beverage training kalmek a trainees 26 te chuan placement an hmuh vek tawh thu te an tarlang nghal bawk a ni.

Meeting ah hian MYC hmalakna tur thil pawimawh hrang hrang sawiho a ni a. Heng zingah hian Online Mentorship programme, civil service aspirants te tan one-on-one online mentorship programme neih chu tha tiin committee chuan a pawm nghal a. Tin, Promotion of Reading Culture Among Mizo Youth Program, Mizo thalai zinga lehkha chhiar uar zawka kalpui dan tur concept pawh a pawm a. Kum thar lama Banking leh SSC Coaching kalpui dan tur pawh sawiho niin kalpui ni se tiin Commission chuan a rel nghal bawk