Mizoram Youth Commission (MYC) leh TOP International Human Resources Management Consulting, Taiwan ten thawh hona tura bultanna an ziak fel.

Mizoram Youth Commission (MYC) leh TOP International Human Resources Management Consulting, Taiwan ten thawh hona tura bultanna an ziak fel.

Vawiin March 14, 2025 (Zirtawpni) khan Mizoram Youth Commission (MYC) leh TOP International Human Resources Management Consulting, Taiwan te chuan vawiin chawhma dar 11:00 khan Pu Lalnghinglova Hmar, LESDE Department Minister kaihhruainain, MYC Chairman Office Chamber, MINECO, Khatla-ah thawhhona tura bultanna – Letter of Intent (LOI) an ziak.
He hunah hian Mizoram Youth Commission aiawhin Pu Malsawmzuala Ralte, Chairman, MYC leh TOP International Human Resources Management Consulting aiawhin Pu Angus Shih, Chairman ten hming an ziak. Mizoram Youth Commission aiawhin Pi V. Lalmuanpuii, Secretary MYC leh TOP International Human Resources Management Consulting hotuten an tawiawm a ni.
An thawhhona turah hian TOP International Human Resources Management Consulting, Taiwan te sum hmangin MYC Aizawl Campus-ah Chinese tawng zirna, Mandarin Language Learning Centre din a ni ang a. Mizo thalai Manadarin tawng zir chhuakte hian Taiwan-ah hna an thawk zel thei dawn a ni. Thawhhona tluantling, MoU buatsaih zui a ni ang a, chumi peih fel hnuah chak taka hmalak nghal a ni ang.
TOP International Human Resources Management Consulting, Taiwan hotute hian nimin khan Pu Lalduhoma, Chief Minister, New Delhi a zin an rawn zui haw a. Nizanah Pu Lalnghinglova Hmar, Minister LESDE hovin Assembly house-ah an inkawm nghal a, hmalak dan tur leh thawh ho dan tur sawiin, inrem lailawkna ziah ni se an tih chu vawiinah ziah fel a ni ta a ni.