MYC CHAIRMAN-IN SUMMER SPORTS 2024 HAWNG

Aizawl, 11/07/2024 Thursday: Malsawmzuala Ralte, chairman Mizoram Youth Commission chuan, vawiin khan Zoram Pawn Mizo Pawl Summer Sports 2024, Armed veng play ground-ah a hawng.

Pu Malsawmzuala Ralte chuan, kum 20 bawr vel liam ta atangin zoram pawna lehkha zir leh hnathawka awmte pualin summer sports neih tawh thin a ni a. Hmun hrang hranga Mizo awm te tan inthianthatna leh inpawh tawnna hmanraw tangkai tak a nih thin thu a sawi. 

Pu Mala chuan, Mizoram chu thalai lehkha thiam/human resource-lamah kan intodelh tawh hle rualin hnathawh mai tur remchang a vang hle a, chuvangin zoram pawna lehkha zira awm mekte chu an awmna hmuna hnathawh tur remchang dap a, mahni kea din tum tlat turin a fuih bawk. 

Summer sports 2024 hi Inrinniah Mission vengthlang basketball indoor stadium-ah kharna hun hman a ni ang.