MYC chairman leh OSD to CM in Minority Affairs minister John Barla kawm

New Delhi, 19th February, 2024 : Pu Malsawmzuala Ralte, chairman, Mizoram Youth Commission leh Pu Jonathan Lalremruata, OSD to CM te chuan John Barla, Union Minister of State for Minority Affairs chu a chenna in, Delhi-ah vawiin khan an kawm.

 Pu Malsawmzuala Ralte chuan, mizo thalaite tana MYC hmalakna hrang hrang hrilhin, minister chu a theih anga a portfolio atanga tanpuina dap pui turin a ngen a. Minister pawhin hriatthiampuiin, a Secretary, Mithunyadav nena hmalak theihna sawiho tura a rawn angin, an sawiho nghal a.

 PMJVK scheme kaltlanga hmalak theihna hrang hrang awmte kawhhmuhin, CM Pu Lalduhoma leh District Council & Minority Affairs minister Pu C. Lalsawivunga te biak nghal niin, 2nd instalment dawn tur leh project submit tawh nawr chhuak tura an rawn angin hma lak nghal a ni. PMJVK scheme guidelines hian Mizoram pumpui a huam thei tawh dawn a. Heng health, sports, education, agriculture, market etc. ah hmalakna hrang hrang, thalaite tana hmasawnna tur kawng tam tak a awm thei dawn a ni.