Project Buniyaad Phase II hnuaia Hotel Management (Food & Beverages)

Vawiin January 23, 2025 (Ningani) chawhma dar 11 khan MYC Coaching Centre, MINECO, Khatla ah Project Buniyaad Phase II hnuaia Hotel Management (Food & Beverages) training zo te pualin Valedictory Ceremony hun hman a ni a. He hunah hian training chhuak Mizo thalai mi 31 te hnenah Certificate hlanna hun hman a ni.

Training chhuak te hian India ram hmun hrang hrang a hotel tha leh changtlung tak tak - ITC Grand Chola (Chennai), Sunday Hotel (Jaipur), Taj Hotel (Tirupati) leh The Gold Beach Resort (Daman) ah hna an thawk dawn a,

Project Buniyaad hi September 18, 2024 atang khan MYC Coaching Centre, MINECO, Khatla ah kalpui tan niin Aizawl leh Lunglei a MYC Centre atangin batch 1 (pakhat) ve ve in an zo fel tawh a, tuna training zo te hi a batch 3-na an ni.