SUPER IAS TIH THIN MISSION UPSC IN THLAK

New Delhi, 24th February, 2024 : MYC chairman Pu Malsawmzuala Ralte chuan nimin tlai khan MYC in a enkawl UPSC exam tura delhi-a inbuatsaiha awm mek, mizo thalai 10-te chu kawmin Delhi Mizoram House-ah zanriah a ei pui.

MYC chairman-in a sawm angin Vision IAS coaching centre a zirtirtu Satender-a'n prelims exam tura inbuatsaih dan leh hmachhawn dan tur kawng kawhhmuhin thu a sawi.

Malsawmzuala Ralte chuan, Super IAS tih thin kha Mission UPSC ti a thlak a nih thu sawiin, UPSC exam tura inbuatsaih mekte chu ka thei a ni tih rilru pu a, an tih ve tur lam inbuatsaihnaah theihtawp chhuah turin a fuih a, mizo mipui ten beiseina sang tak nen an thlir thu a sawi bawk. UPSC exam tura inbuatsaih mekte pawhin MYC chairman hnenah hian an harsatna tawh te lo hrilhin, MYC chairman chuan a theih anga sutkian an tum tur thu a sawi bawk.