"Core Committee on Hulhliap Short Stay Centre"

Vawiin June Ni 3 khan MYC Chairman Pu Malsawmzuala kaihhruaiin "Core Committee on Hulhliap Short Stay Centre" chu MYC Office ah an ṭhukhawm. He Committee hian Ruihhlo ngaiten anmahni enkawl nana an mamawh hmasa detoxification( Ruihhlo aṭanga ṭhuah faina) leh basic health care ( hriselna atâna mamawh hmasa) a ngaihtuahpui dâwn a, chumi atan chuan Sorkar Department leh tlâwmngai Pawlte he Committee ah hian an tel a, Task Group hrang hrang an indin nghal bawk :

1. Task group on Medical Services
2. Task Group on Mobilization & Security
3. Task Group on Fooding
4. Task Group on Referral Services
5. Task Group on Information & Public Relations

Sum mamawh dan te ngaihtuah ho nghal a ni a, sum mawmawhte a ṭul anga ngaihtuah tlan ni se, an ti a. He hmalâkna atana sum leh pai leh thildang hmanga tanpuina pe duh tan Committee hi a inhawng reng a. Enkawlna kalpui hun tura ruahman chu Ni 15- Ni 20 chhûng a ni ang a, hemi hun chhûng hian Doctor leh Nurse, Damdawi leh Psychological Service mumal taka pek an ni ang a, enkawl hun chhûng a zawh hunah chhûngkua te nena inzawm leh theihna leh Rehabilitation Centre a referral te pawh ngaihtuahpui an ni ang.

26th May, 2025 a Social Welfare Minister Pi Larinpuii  hoa ṭhutkhawma ngaihtuah, Mizoramin Ruihhlo hmansual chungchânga harsatna hrang hrang a neihte sawikhawmna aṭanga he Committee hi din a ni.