LESDE MINISTER IN PROJECT BUNIYAAD PHASE II A HAWNG
Aizawl the 8th July, 2025: Mizoram Youth Commission, Honda India Foundation leh Visan Foundation te tangkawpin an buatsaih Project Buniyaad Hotel Management (Food & Beverages) Training Course an kalpui mek Phase II hawnna hun chu vawiin chawhma dar 10:30 khan Mizoram Youth Commission (MYC) Auditorium ah hman a ni a. Hawnna inkhawm ah hian Pu Lalnghingliova Hmar, Minister of State, LESDE Dept. etc chu khuallian niin Project Buniyaad Phase II hawnna hun hi a hmanpui a ni.
Khuallian Pu Lalnghinglova Hmar chuan Mizo thalai te chu talent nei tha tak leh taima tak kan ni a, kan tih tawh lamah chuan hnamdangte'n harsa an tih pawh awlsam taka thiam zung zung mi kan ni' ati a. Tun a training kan kalpui mek hi thiamna min petu a nih piah lamah eizawnna min petu a ni tih hria in zirlai te chu rilru tak taka zir a, thiamna tak tak paw chhuak thei tur a taihmak chhuah turin a fuih a, thalaite hlawhtlinna hi Mizoram hlawhtlinna a ni a, thalaite hlawkna hi Mizoram hlawkna anih thu a sawi bawk a ni. Minister chuan Honda India Foundation leh Visasn Foundation ten Mizoram thalaite tana eizawnna tlak training an rawn buatsaih hi a lawmawm hle a, Mizo thalaiten he training kaltlang hian hna an hmu a, an hmu zel dawn bawk a ni a ti. He hunah hian Shri Vishnu Dixit, Chief Manager, CSR Honda India Foundation chuan thusawina hun a nei bawk a ni. Project hawnna hun hman zawh hian Minister chuan Honda India Foundation CSR atanga MYC in an dawn MYC Coaching Centre a hman tur Smart Board (75 inch) 3 (pathum) inhlanna hun a hmanpui nghal a ni.
Project Buniyaad Phase I hi September 18, 2025 khan Pu Lalduhoma, Chief Minister in a hawng a, project hlawhtling tak niin September 2024-March 2025 chhung khan Mizo thalai 122 in Aizawl leh Lunglei MYC Centre atangin training an zo fel a. Training chhuak atang hian mi 97 in India ram Hotel changtlung tak tak ah te hna an thawk mek a, mimal leh chhungkaw harsatna avangin training chhuak mi 25 te hian hna an zawm ve thei lo a ni.
Project Buniyaad Training programme hi thla hnih chhung awh programme niin hemi atan hian MYC Coaching Centre ah class kalpui a ni.
Honda India Foundation, in collaboration with Mizoram Youth Commission (MYC) and Visan Foundation, proudly launched the 2nd phase of Project Buniyaad – Aathmanirbharta Ka Aadhaar, in Aizawl, in the presence of Mr. Lalnghinglova Hmar, Hon’ble Minister of State for Labour, Employment, Skill Development & Entrepreneurship, Sports & Youth Services, Excise & Narcotics, and Tourism, Government of Mizoram.
From training in the hospitality sector to assured job placements, this initiative is shaping brighter futures. 💼✨
The launch also marked the inauguration of 3 new interactive smart boards at MYC classrooms, further enhancing the digital learning experience. 🎓💡
Together, we’re building a foundation for self-reliance and opportunity across Mizoram. 🙌
