'Promotion of Reading Culture among Mizo Youth' leh 'MYC Book Club' hawnna hun hman a ni

Vawiin April 11, 2025 (Zirtawpni) chawhma dar 11 khan MYC Auditorium, MINECO, Khatla ah Mizoram Youth Commission hmalakna thar 'Promotion of Reading Culture among Mizo Youth' leh 'MYC Book Club' hawnna hun hman a ni. Mizo thlalai te zingah lehkhabu chhiar kan lo pun lehzual theih nan a MYC in programme a kalpui chhoh tur a ni.

He progamme hawngtu Pu Malsawmzuala Ralte, Chairman, MYC chuan “Lehkhabu chhiar hian kan rilru hahnate, rilru natna te a lak kian theih bakah inrin tawkna min pe bawk a,zirlaite tan  zirlai ah hmasawnna nasa min pe thei. A bikin zirlaite chuan social media kan khawih hun hi kan tih tlem a, lehkhabu chhiar kan uar a ngai. Hetiang kan tih fo theih chuan kan theihna Pathianin min pek hi kan hmang chhuak thiam dawn a ni. Lehkhabu tha chhiar tam ila, kawng engkimah hma kan sawn dawn a ni” ati.

Keynote Address sawitu Pi V. Lalmuanpuii, Secretary, MYC chuan ‘Promotion of Reading Book Culture awmzia a sawifiah a. ‘Book culture chuan a tum ber chu nuam ti taka thalaiten lehkhabu an chhiar theihna tur atana hmalak a ni. Social media khawih nasat hian hun reiloteah nghawng, a chhe zawngin a nei a, chu chuan kan hmalam hun tur a tichhe thei a, kan nih tur ang min nih tir thei lo a ni’ ati a. He Promotion of Reading Culture hian Book Club a nei a, he Book club member te chuan hmathlir leh hmasawnna kawng kan ngaihtuahnaa lo lût te sawihona te leh idea in share tawnna platform  a buatsaih dawn a ni.

MYC Commission Member meeting in alo pass angin he  programme atan hian Promotion of Reading Culture Committee din a ni a,  he committee hian hmalak zel dan tur a ruahman zel dawn a ni. 

He Promotion of Reading Culture programme ah hian  MYC Commission Member atangin Dr. Malsawmdawnglian Lailung leh B.C Tawna te bakah  College, High School sawm bik atangin zirlai leh zirtirtute thahnem tak an tel bawk a ni.