Vawiin chawhnu dar 2:30 khan Dr.Vanlaltanpuia MLA leh Chairman, Mizoram Youth Commission chuan kumin 2023 a UPSC prelims tling mi 13 te MYC Conference Hall ah thingpui a inpui a, Pu Lalramsanga Sailo,IRS, Secretary  LESDE leh Pu H Lalnunzuala, MYC Secretary ten an tawiawm a ni.

          He   Hunah hian MYC Chairman Dr Vanlaltanpuia chuan Mizo thalai heti zatin UPSC 2023 Prelims an inziak tling thei chu thinlung taka a lawmthu a sawi a. Heng thalai duhawm tak tak te hian an zing kawng chu hlawhtlinna hmang a zawh chhuak a, zinkawng duhawm tak an neih theih a duhsak thu a sawi a. Hlimawm taka hmawr bawk anih theihna tan a an mamawh te a awm anih chuan MYC chu a inhawng reng a ni tih a sawi a. Taihmakna leh tumruhna nen a chhel taka an hmachhawpte tihhlawhtling ngei turin a fuih a ni.

          He hunah hian Pu Lalramsanga Sailo, IRS, Secretary, LESDE chuan Prelims inziak tlingte chu a chuan thu a sawi a, UPSC exam a namai loh zia leh zir tur zau zia te sawiin hetiang a Prelims inziah tlin ringawt pawh a hautak zia sawiin, a chhuang tak zet zet a ni tih a sawi. Beidawnna leh harsatna chi hrang hrang hmachhawn tur an la nei dawn a, chhel tak leh tumruhna tak tak nen a bei chhunzawm zel turin a duh thu a sawi a ni. An hmachhawp Mains Exam atana inbuatsaihna atana tha tur awm ang leh mamawh turte an sawiho nghal bawk a ni. MYC chuan heng mi 13  te hi Mains exam an inbuatsaih nan full sponsorship a pe dawn ani. 

Tin kar hmasa a member meeting in a lo rel tawh angin MYC Super IAS 2023 Full Sponsorship programme chu kum 2023-2024 chhunga   chhunzawm tur a ni a,  Screening Test a an tih that dan a zirin sponsor chhunzawm tur an ni Screening Exam hi10th ,July,2023 ah exam tur a ni ang a. Registration hi 16^th June,2023 atanga 6^th July, 2023 thleng a tih theih dawn a ni.