Aizawl, 1st March, 2024 : Taiwan ambassador to India Baushuan Ger, chapchar kut hmanga lo kal chuan March ni 1 ( Zirtawp ni) 2024 khan MYC office a tlawh. MYC chairman Pu Malsawmzuala Ralte, Pu H. Lalnunzuala, Under Secretary leh thawktu dang ten lo dawngsawngin, Taiwan leh India sorkarin labour mobility-a inremna thuthlung an ziah hrul a mizo thalai ten Taiwan a hna an thawh theih dan tur an sawiho.

Taiwan sawrkar senso vekin Mandarin tawng zir tur mizo thalai graduate chin mi 4 Taiwan-a tirh ni se an ti a, kum 1 course an zir zawhah Mizoramah mandarin tawng zirtirtu an ni chhunzawm nghal dawn a ni. Hemi atana class room remchang MYC office building ami te pawh en ho nghal a ni bawk. Taiwan ambassador chuan mizo thalai Mandarin tawng zirtir thei an awm hmaa online a zirna ruahman tura hma a lak tur thu a sawi bawk.

Taiwan ambassador hi a nupui bakah, Ping Fan Jian, third secretary leh OSD to CM Pu Jonathan Lalremruata ten an tawiawm a ni.