Nimin 13th March, 2024 khan Raj Bhavan-ah Larsap Dr. Haribabu Kambhampati hovin, MYC chairman Pu Malsawmzuala Ralte, LESDE secretary Pu Lalmalsawma IRS leh official dang ten tun hnaia Sri City Special Economic Zone, Andhra Pradesh tlawha an zin chungchangah, khu lam atanga mizo thalaite tana hnaruak awm thei an rawn hrilh te sawi ho a ni. Tirupati a phone assemble-naah Mizo hmeichhia, kum 19-25 inkar, pawl 10 pass tan hna 300 a awm thu dawn a ni a, a thawktu tur zawn leh lak lam MYC in a buaipui zui dawn a ni.

Awm man leh ei leh in a free vek dawn a, hlawh pawh tha pangngai tak a ni. Hetiang hian corporate/Company dangte pawhin hnaruak, mizo thalaite thawh theih tur an neih te an rawn thlen zel dawn a ni.

Advertisement mumal tak a chhuak thuai dawn a, thawk thei leh thawk duhte tan lo inbuatsaih tan a tha viau ang.