Dt 18, January, 2021 ( Thawhtan Ni) khan Mizoram Youth Commission bultumin Covid hripui avanga mahni hna thawk chhunzawm theilo Mizo ṭhalaite (Returned migrant workers due to covid 19) chhawmdawlna tur chu kawng hrang hrangin hmalakna kalpui mek a ni a. Mizoram Food Processing Research & Training Centre, Phaibawkkawn, Selingah training thawh khatna Entrepreneurship & Skill Development Programme on Home based food processing chu ṭan a ni.
Mizo ṭhalai, mahni hna chhunzawm thei lova Mizorama lo haw mi 3000 chuang zingah hna chhunzawm leh tawh an awm nual a. An eizawnna tur ngaihtuahsak turin Mizoram Youth Commission hmalakna in Mizoram sorkar chuan NEC ah a thlen a. Trade hrang hrangah ṭhalai lokirte hi training pek an ni.
Food Processing bik hi MFPRTC ah kalpui niin a thawhkhatnaah hian mi 21 in training an ṭan a. Tengtere jam te, chilli pickle te, chilli sauce te, ginger candy te leh fresh packaging te an zir a, Mi 100 zet hnenah training hi pek tur a ni.
Training programme hi Mizoram Youth Commission in a vil a, MFPRTC, MZU incubation centre, Commerce and Industries dept leh LESDE dept leh Tourism Dept in training kalpui hna hi an thawk a. Training hi March thla chhunga zawh ngei tur a ni. Hemi bakah hian Mizoram E-Governance, ICT in Call Center dinna tura hmalakna te pawh a tel dawn bawk a ni.
MZU Incubation Center lamah pawh Training hi tan tawh a ni a, mi thahnem tak an tel a, General Enterprising Tendency Test neih a ni a, He training-ah hian he internship cum Entrepreneurship skill training kalpui a ni a, thla 2 chhung training tur a ni a. Training na a tel te hi chawlhkar 3 internship neih tir an ni ang a, sumdawnna din tawh sa a hnim phum tur an ni ang. Internship hi karlehah tan nghal a ni dawn a ni.
Attachment
Attachment
MZU Incubation Training
