Vawiin July ni 19, 2023 (Nilaini) chawhnu dar 2- khan Dr Vanlaltanpuia, Chairman MYC chuan, a pisaah Mizoram Youth Commission-in Super IAS 2023 programme hnuaia kum 2023 chhunga New Delhi-a MYC Full Sponsorship hmu-a Foundation Course zir tura a thlan te RESULT puanchhuahna a nei.
MYC chuan kum 2021 leh 2022 khan Super IAS 20 leh Super IAS 40 a lo buatsaih a, Chief Minister zahawm takin Budget Speech –a a lo sawi tawh angin Mizo thalai, Delhi hmuna Full Sponsorship hmu a kal tur thlanna- MYC SUPER IAS 2023 chu buatsaih ah hian Exam bei tur in mi 365 in hming an pe lut a, Exam hi Centres 6, AIZAWL, LUNGLEI, SIAHA, CHAMPHAI, KOLASIB leh NEW DELHI-ah te buatsaih a ni a, July ni 10, 2023 khan Screening Test Exam hi neih aniin mi 188-in Exam hi an hmachhawn a ni. Exam question paper hi VISION IAS ten rawn buatsahin Exam result pawh hi VISION IAS te hian an en nghal bawk a ni.
Written Exam beitute atang hian a ti tha mi 40 te chu Personal Interview hmachhawn tur a koh an ni a, Personal Interview chu July ni 18 leh 19, 2023 khan MYC Conference Hall, MINECO-ah neih a ni. He Interview Board-ah hian, Mizo zinga Central Service thawklai kan neih atangin, Pu Lalramsanga Sailo IRS, Pi Rintei Renthlei IRS leh Pi Elvina Leivon IA&AS te Panel Chair-ah hman an ni a, VISION IAS atanga Expert an rawn tirhte chu Interview panel member-ah hman an ni bawk.
Written Exam Result leh Personal Interview atanga a ti tha zual mi 11 te chu MYC Super IAS 2023 hnuaia Full Sponsorship hmua New Delhi-a Coaching Centre a FOUNDATION COURSE kal tura thlan an ni ta a ni.
 |  |  |
 |  |  |
