Vawiin 21^st July,2023 ( Friday) Chawhnu dar 2:00pm khan Mizoram Youth Commission Conference Hall,MINECO khatlaah Super IAS 2023 candidate mi 10 te chu Agreement sign pui an ni.

He Agreement Bond signed ah hian MYC Chairman Dr.Vanlaltanpuia, MLA chuan Candidate te chu fuihin ‘Mizoram chuan thangkhat lian zet mai IAS tling thar kan nei thei talo chu a mangangthlak hle a, Mizo thalaite hetiang lam hawi nachang hria, tumruhna neite chu Mizoram Sawrkar hian puih a inpeih reng a ni’ ati. He hunah hian Chairman chuan candidate te chu Delhi hmunah India ram coaching Centre tha ber berah dah an ni dawn a, amaherawh chu hrehawmna leh harsatna  hrang hrang an paltlang a ngai dawn a, chu hunah chuan chhel taka ram hmangaihna nen a lehkha zir turin a fuih a ni. He hunah hian Agreement sawifiahna chu Pu H Lalnunzuala, Secretary MYC in a nei a,Candidate te leh an chhungte atangin an hriat duh  leh tul angte zawhna leh chhanna hun hman nghal a ni.

         Candidate te hi an chhungte pakhat theuhin rawn tawiawmin intiamkamna hi sign a ni a, July thla chhungin an awmna hmun turah tirh thlak fel tur ruahmanna siam a ni. He hunah hian Mizoram Youth Commission Official Pu H. Lalnunzuala, Secretary MYC leh Doris Zothanchhungi, Superintendent te chuan agreement hriatpuituah tangin hming  an sign-a,  MYC Chairman hi an tawiawm  a ni.