The Mizoram Youth Commission (MYC), in partnership with Drishti IAS coaching institute, officially launched the 'Free UPSC Coaching Programme' at the MYC Auditorium, MINECO, Khatla. The coaching programme was inaugurated by Chief Secretary Shri Khilli Ram Meena as the chief guest.
YOUTUBE LINKS for MYC BOOK OF THE MONTH MAY 2025 - MAY 2026
An initiative of the Mizoram Youth Commission, MYC Talks was conceived as a series-based platform aimed at creating meaningful conversations for the youth of Mizoram through talks, discussions, and interactions with speakers from diverse backgrounds and professions.
The Mizoram Youth Commission (MYC) has an initiative titled, ‘Promotion of Reading Culture Among Mizo Youth’ aimed at encouraging reading habits and festering literary engagement among young people in Mizoram. Under this initiative the first-ever ‘MYC Read Fest 2025’ was organised by MYC on 15th December 2025 at Aijal Club Park, marking a significant milestone in promoting a vibrant reading culture among Mizo Youth.
Mizo thalaite hmakhua leh hmachhawp
Khawlailung, Date 6th July 2024: Vawiin khan Khawlailung Mizo Hmeichhe Insuihkhawm Pawl chuan MHIP Day mai bakah Golden Jubilee lawman neiin ruaipui an theh a. He hunah hian Mizoram Youth commission Chairman Pu Malsawmzuala Ralte chu khuallian a sawm a ni a. He hun hi hman puiin thupui, “rinawmna leh dikna” tih a sawi. Pu Mala chuan, "Mizote kan hmingthanna leh kan inchhuanna ber thin chu kan rinawmna, dikna leh huaisenna a ni. Khawvel changkang zela kan changkan san loh tur zinga mi a ni. Tin, inchhungkhur atanga inzirtir that leh a tul" tiin lo kal khawm te a fuih a ni.
Aizawl the 4th July, 2024: Vawiin khan Malsawmzuala Ralte, MYC chairman office ah JICA hotute Yazawa, Goto leh Joy te lengin, kumin february thlaa JICA office, Delhi a an sawi ho tawh rawn bawhzuiin disaster management leh photography a thawh ho dan tur an sawi ho.
Aizawl the 1st July, 2024: Vawiin khan International Development Center of Japan Inc. (IDCJ) hnuaia Economic Development Department Senior Researcher, Kenichiro Sugiya chu MYC office-ah lengin Chairman Malsawmzuala Ralte nen an inkawm. Sports lama thawhho theihna tur sawi dunin, IDCJ hian infiamna hmunhma buatsaih/infrastructure development lamah pawh tanpuina an ngaihtuah thei a, MYC chairman chuan hemi kawnga thil tul te a lo thlen a ni. MYC nen grassroot level badminton a thawhho theih dan tur ngaihtuah ni se, an ti bawk.
Aizawl, 21st March, 2024 : Vawiin 21st. March 2024 hian Pu Malsawmzuala Ralte, chairman, MYC office-ah Pi Muanpuii Saiawi, IFS, Joint Secretary, Disarmament & International Security Affairs, Ministry of External Affairs chu leng-ah sawmin an inkawm. Pu Malsawmzuala Ralte chuan MYC hmalakna leh hmachhawpte hrilhin, budget pawn lam atanga Mizo thalaite tana hmalak theihna tur an theih ang ang a an ngaihtuah thu a sawi a, Pi Muanpuii Saiawi pawhin a theih ang a MYC hmalak theihna tur ngaihtuahpui a tum thu a sawi. Pi Muanpuii Saiawi hi a pasal, a fanu leh a nuin an tawiawm a, Dr. Malsawmdawngliana Lailung, Youth Commission member a tel bawk.
Sri City SEZ, 6th March, 2024: Larsap Dr. Hari Babu Kambhampati leh Pu Malsawmzuala Ralte, chairman MYC te chuan vawiin khan Andhra Pradesh-a Sri City Special Economic zone an tlawh a, Sri City Managing director leh thawktu dang ten lo dawngsawngin, SEZ chhunga company hrang hrang heng - ISUZU, Colgate, Pepsico, Foxcon, Daikin, Havels, Kobelco etc. aiawhte nen thukhawmin, mizo thalaite tana hnathawh ve theih dan tur an sawiho.
Aizawl, 1st March, 2024 : Taiwan ambassador to India Baushuan Ger, Chapchar kut hmanga lo kal chuan vawiin khan MYC office a tlawh. MYC chairman Pu Malsawmzuala Ralte, Pu H. Lalnunzuala, Under Secretary leh thawktu dang ten lo dawngsawngin, Taiwan leh India sorkarin labour mobility-a inremna thuthlung an ziah hrul a mizo thalai ten Taiwan a hna an thawh theih dan tur an sawiho.
Aizawl, 29th February, 2024 : Govt. T. Romana College leh MYC tangdunin an buatsaih North-East Cultural Festival & Pre-Chapchar Kut chu vawiiin khan Govt T Romana College ground-ah hman a ni. Festival hi St. Anthony’s College, Shillong leh Janata College, Assam atanga zirlai leh zirtirtu engemawzat lo kalin an hmanpui a. Aizawl chhunga College ten an hmanpui bawka. Pu Malsawmzuala Ralte, Chairman, MYC chuan khuallian niin he hun hi a hmanpui bawk.
New Delhi, 24th February, 2024 : MYC chairman Pu Malsawmzuala Ralte chuan nimin tlai khan MYC in a enkawl UPSC exam tura delhi-a inbuatsaiha awm mek, mizo thalai 10-te chu kawmin Delhi Mizoram House-ah zanriah a ei pui. MYC chairman-in a sawm angin Vision IAS coaching centre a zirtirtu Satender-a'n prelims exam tura inbuatsaih dan leh hmachhawn dan tur kawng kawhhmuhin thu a sawi.
New Delhi, 23rd February, 2024 : Vawiin khan Pu Malsawmzuala Ralte, chairman MYC leh Pu Jonathan Lalremruata, OSD to CM te National Skill Development Corporation office-ah lengin Ved Mani Tiwari, CEO leh Mayank Bhatnagar, National Head State Engagement te nen an inkawm a, mizo thalaite tana skill development training buatsaih dan tur sawi hovin, hmalak ho ni se an ti a. Okhla Industrial Estate a mizo thalai skill training tura thawn theih dan turte pawh ruahmanna siam ni se an ti bawk.
Noida, 23rd February, 2024 : Vawiin khan MYC Chairman Pu Malsawmzuala Ralte chuan HCL Foundation office Noida-a tlawh a, General manager Robin Thomas leh manager Anjul Srivasta te nen inkawmin, Mizo thalai te tana hmalak theih dan tur an sawiho. HCL foundation hotute chuan MYC in hmun hla tak atanga an rawn pan avanga lawmthu sawiin, an programme pakhat Sports for change hnuaia MYC nen an thawhho theih thu an hrilh. Mizo thalai leh naupang harsa zawk te tan Sport discipline hrang hrangah mumal takin training an pe thei a, sport a mizo naupangte theihna tam tak haichhuah kawnga hma la ho turin ruahmanna an siam nghal a, remchang hmasa berah HCL Foundation hian Aizawl a an lo zin tur thu an lo hrilh bawk.
New Delhi, 21st February, 2024 : Vawiin khan Pu Malsawmzuala Ralte, chairman MYC leh Pu Jonathan Lalremruata, OSD to CM ten Rajeev Chandrasekhar, sawrkar laipuia Minister of State for Skill Development chu a chenna in, Delhi-ah kawmin MYC in Mizo thalaite tana skill development training a buatsaih theihna tura hmalak pui turin an ngen. Pu Rajeev Chandrasekhar chuan MYC chairman leh OSD to CM te hi tha taka lo dawngsawngin, thalai a tam thei ang ber skill training pek a duh tih a sawi bakah, MYC atangin lehkha siam a, a hnena thehlut turin a ti a, lehkha a hmuh atanga darkar 48 chhungin a team ten Aizawl an thlen nghal tur thu sawiin, anni nena sawi ho hnuah final mai tur a nih thu a sawi bawk.
New Delhi, 19th February, 2024 : Pu Malsawmzuala Ralte, chairman, Mizoram Youth Commission leh Pu Jonathan Lalremruata, OSD to CM te chuan John Barla, Union Minister of State for Minority Affairs chu a chenna in, Delhi-ah vawiin khan an kawm. Pu Malsawmzuala Ralte chuan, mizo thalaite tana MYC hmalakna hrang hrang hrilhin, minister chu a theih anga a portfolio atanga tanpuina dap pui turin a ngen a. Minister pawhin hriatthiampuiin, a Secretary, Mithunyadav nena hmalak theihna sawiho tura a rawn angin, an sawiho nghal a.
